Aqronomluq üzrə təlimlərə start verilib
Kənd Təsərrüfatı Nazirliyinin dəstəyi və Böyük Britaniyanın Azərbaycandakı səfirliyinin təşkilatçılığı ilə 10-13.03.2020 tarixlərində keciriləcək aqronomluq üzrə təlimlərə start verilib. Təlimlərin kecirilməsində əsas məqsəd pestisid, gübrə və bioloji qidalandırıcıların tətbiqi ilə məşğul olan təlimçilərin bacarıqlarının daha da yüksəldilməsi, bu sahədə əldə olunmuş ən son yenilikərin onların vasitəsi ilə fermerlərə çatdırılmasıdır.
Açılış mərasimində çıxış edən Böyük Britaniyanın Azərbaycandakı səfiri James Şarp bildirib ki, dünya ölkələrinin qlobal qida çatışmazlığı ilə üzləşdiyi bir vaxtda ekoloji kənd təsərrüfatı məhullarının istehsalı son dərəcəcə əhəmiyyətlidir. Səfir qeyd edib ki, insan sağlamlığına verilən dəyər ilk növbədə istehsalın düzgün təşkilindən başlayır: “Aqrar iqtisadiyyat hər bir ölkənin inkişafının davamlılığının təmin edilməsi üçün son dərəcə vacib istiqamətdir. Son illər Azərbaycanda həyata keçirilən aqrar islahatları miqyasına görə yüksək qiymətləndiririk, bu islahatlar fonunda ekoloji qaydaların qorunması, istehsalda aqronomluq tələblərinə əməl edilməsi zəruridir”.
Tədbirdə çıxış edən Kənd Təsərrüfatı nazirinin müavini İlhamə Qədimova bildirib ki, son illər ölkədə aqrar sektora dövlət tərəfindən dəstək tədbirləri genişləndirilir. Bununla yanaşı, kadrların bilik səviyyəsinin artırılması, bu sahəyə innovasiyaların gətirilməsi xüsusi diqqət mərkəzində saxlanılır: “Ölkədə ərzaq təhlükəsizliyinin təmin olunması, məşğulluq və ixracın artırılması hazırda prioritet istiqamətlərdəndir. Azərbaycan məhsuldarlığın yüksəldilməsi üçün dəqiq əkinçiliyə keçid mərhələsəndədir. Fermerlərin yeni innovativ üsulları öyrənməsi və tətbiq etməsi olduqca vacib məsələlərdəndir. Onların bilik və bacarıqlarının artırılması üçün kadr bazasının gücləndirilməsi daim diqqətdədir. Ümid edirik ki, bu təlimlərə cəlb olunmuş mütəxəssislər təlimlər zamanı əldə etdikləri bilikləri regionlarda yaşayıb fəaliyyət göstərən fermerlərə uğurla çatdıracaqlar”.
Təlimlərə Kənd Təsərrüfatı Nazirliyinin tabeli qurumlarının ixtisaslı mütəxəssisləri, elmi-tədqiqat institutlarının əməkdaşları, eləcə də məsləhət-informasiya xidməti göstərən təşkilatların nümayəndələri cəlb olunub. Əkinçilk ET İnstitutunun direktoru Faiq Xudayev və institutun digər əməkdaşları təlimlərə qatılıblar. Təlimdən sonra iştirakçılar Britaniyanın Azərbaycandakı səfiri James Sharpın iqamətgahında təşkil olunmuş ziyafətə dəvət olunublar. Təlimər üç gün Bakıda, bir gün isə Gəncə şəhərində keçiriləcək və çoxsaylı mütəxəssisləri əhatə edəcək.