Aqrar könüllülərə "Əkinçilikdə innovativ becərmə sistemləri" mövzusunda onlayn təlim keçirilib
Əkinçilik Elmi-Tədqiqat İnstitutunun əməkdaşı aqrar elmləri üzrə fəlsəfə doktoru Rəhminə Zamanova Aqrar könüllülərə "Əkinçilikdə innovativ texnologiyalar" mövzusunda onlayn təlim keçib. Təlimdə əkinçilik nədir və nəyi öyrənir, əkinçiliyin tarixi və inkişafı, təbii şəraitdən asılı olaraq əkinçiliyin dəmyə, suvarma və dağ şəraitində inkişafı, intensiv əkinçilik sisteminin əsasları, əkin dövriyyəsi və ya növbəli əkin, növbəli əkinin məqsədi, dincə və xama qoyma, herikli əkinçilik üsulu, müasir texnologiyalar tətbiq etməklə əkinçilikdə innovatİv becərmələr, tirəli səpin üsulu və s. mövzulara aydınlıq gətirilib.