İnstitutun əməkdaşları Gəncə Dövlət Universitetində keçirilən Beynəlxalq konfransda iştirak etdilər

      İnstitutun elmi işlər üzrə direktor müavini b.ü.f.d., dosent Nizami Hümmətov və ümumi işlər üzrə direktor müavini a.e.ü.f.d. Şikar Əhmədov 04-05 may 2018-ci il tarixlərində Gəncə şəhər İcra Hakimiyyətinin dəstəyi ilə Gəncə Dövlət Universitetində Ümummilli lider Heydər Əliyevin anadan olmasının 95-ci ildönümünə həsr olunmuş “Müasir təbiət və iqtisad elmlərinin aktual problemləri” mövzusunda Beynəlxalq elmi konfransda iştirak etdilər. Konfransda Azərbaycan, Türkiyə və Rusiyadan 120-dən çox nümayəndə iştirak edirdi. Plenar və 17 müxtəlif elmi istiqaməti özündə birləşdirən bölmə iclaslarında üzvi, qeyri-üzvi və neft kimyasının, aqrar elmlərin, botanikanın, ümumi biologiyanın, zoologiyanın, ekologiyanın, mikrobiologiyanın, coğrafiyanın, molekulyar fizika və bioloji sistemlər fizikasının və iqtisadiyyatın aktual problemlərinə həsr olunmuş 100-dən çox məruzə dinlənildi.Nizami Hümmətovun “Torpağın struktur vəziyyətinin və aqreqat tərkibinin qiymətləndirilməsi” və Şikar Əhmədovun “Dənli və dənli-paxlalı bitkilərdən ibarət qısa rotasiyalı növbəli və fasiləsiz əkinlərdə bitkilərin aqrobotaniki və iqtisadi səmərəlilik göstəriciləri” mövzusunda məruzələri konfrans iştirakçıları tərəfindən maraqla qarşılandı və geniş müzakirəyə səbəb oldu.