Dünya Azərbaycanlılarının Həmrəylik Günü və Yeni 2019-cu il münasibəti ilə bayram tədbiri keçirildi

29.12.2018 tarixində Əkinçilik ET Institutunda Dünya Azərbaycanlılarının Həmrəylik Günü və Yeni 2019-cu il münasibəti ilə bayram tədbiri keçirildi. Institutun direktoru Cavanşir Təlai kollektivi Dünya Azərbaycanlılarının Həmrəyliyi Günü və Yeni il münasibətilə təbrik etdi, ölkəmizə sülh, əminamanlıq, xalqımıza firavan həyat arzuladı. O, 2018-cı il ərzində institutun fəaliyyətindən, yeniliklərdən, görülmüş əhəmiyyətli işlərdən və əldə olunan nəticələrdən bəhs edərək ətraflı məlumat verdi. C.Təlai il ərzində elmi fəaliyyətində nailiyyərlər qazanan əməkdaşları xüsusi vurğuladı, fəxri fərman və mükafat təqdim etdi. İnstitutun alimləri, şöbə və laboratoriya müdirləri çıxış edərək, bayram münasibətilə kollektivə təbriklərini, ürək sözlərini bildirdilər, onlara xoşbəxtlik və firavan həyat arzuladılar. Tədbir bədii hissə ilə davam etdi.