20 Yanvar Şəhidlərinin xatirəsi böyük ehtiramla yad edildi

Hər il yanvarın 20-də olduğu kimi, bu il də Şəhidlər xiyabanında böyük izdiham yaşandı. Xiyabana gələn paytaxt sakinləri, əmək kollektivləri şəhid məzarları önünə tər qərənfillər düzüb, 20 Yanvar faciəsində həlak olan qəhrəman Vətən övladlarının  xatirəsini böyük ehtiramla yad etdilər. Kənd Təsərrüfatı Nazirliyinin Əkinçilik Elmi-Təqiqat İnstitutunun rəhbərliyi, o cümlədən əməkdaşları da Şəhidlər xiyabanında 20 Yanvar faciəsi qurbanlarının məzarını ziyarət etdilər, xatirələrini dərin ehtiramla andılar.