Əkinçilik ET İnstitutunda “Çin Xalq Respublikasında əkinçilik mədəniyyəti və qarğıdalı bitkisinin becərilməsi” mövzusunda elmi seminar keçirildi
05.04.2019 tarixində Əkinçilik ET İnstitutunda növbəti elmi seminar keçirildi. Seminarı giriş sözü ilə açan institutun elmi işlər üzrə direktor müavini Nizami Hümmətov sözü “Bitki seleksiyası” şöbəsinin elmi işçisi Həlimə Məmmədovaya verdi. H.Məmmədova ”Çin Xalq Respublikasında əkinçilik mədəniyyəti və qarğıdalı bitkisinin becərilməsi” mövzusunda təqdimatla çıxış edərək Çin xalq kommunist partiyasının 18-ci milli konqresindən bu vaxtadək kənd təsərrüfatı, kənd yerləri və kənd əhalisinin tarixi nailiyyətlərindən bəhs edərək bildirdi ki, Çin kənd təsərrüfatının modernləşdirilməsi mütəmadi olaraq irəliləmiş, illik taxıl istehsalı isə 600 milyon tona çatmışdır. Urbanizasiya səviyyəsi orta hesabla illik 1,2 bal artaraq, kənd yerindən şəhərlərə köçmüş 80 milyondan çox insan daimi şəhər yaşayışını qazanmışdır. Yoxsulluqla mübarizədə qətiyyətli irəliləyiş olmuşdur: yoxsulluqdan 60 milyondan çox adam qaldırılmış, yoxsulluğun sayının nisbəti isə 10,2 faizdən 4 faizədək azalmışdır. Orta və qərb bölgələrində və kənd yerlərində, təhsilin inkişafında hərtərəfli irəliləyiş olmuşdur. Şəhər və kənd personallarının gəlirlərinin artımı iqtisadi artımdan çıxmış və orta gəlirli qrup genişlənmişdir. Həm şəhər, həm də kənd sakinlərini əhatə edən sosial təhlükəsizlik sistemi formalaşmışdır. Sonra o, Çində qarğıdalı əkin sahələrinin bölüşdürülməsi və Çində qarğıdalı əkin sahələrinin xüsusiyyətləri məsələlərinə də aydınlıq gətirdi. Belə ki, bu sahə Heilongjiang, Jilin, Liaoning əyalətlərinin, Ningxia muxtar bölgəsinin və Şanxı əyalətinin əksər hissələrini, Şeyxi, Gansu və Hebei əyalətlərinin bir hissəsini əhatə edir. Qarğıdalının çoxillik əkin sahəsi 9,000,000 hektardan artıqdır, ölkədə qarğıdalı sahəsinin təxminən 43%-ni təşkil edir. Yazlıq qarğıdalının birbaşa əkilməsindən bəhs edən H.Məmmədova bildirdi ki, hazırda birbaşa əkin sahəsi 80%-dən çoxdur. Yazlıq qarğıdalı buğda məhsulundan sonra birbaşa əkilir. Mexanikləşdirilmiş əməliyyatları asanlaşdırmaq, vaxta və əməyə qənaət etmək, qarğıdalının böyüməsinə nail olmaq və fidan dövründə xəstəliklər və zərərvericilərilər ilə mübarizə aparmaq asandır. Daha sonra H.Məmmədova tək əkinlər, qarışıq əkinlər, Cənubi Hillsidə qarğıdalı sahəsi, Şimal-qərb qarğıdalı sahəsi və s. bu kimi bilgilərlə seminar iştirakcılarını məlumatlandırdı. Mövzu üzrə suallar cavablandırıldı. Sonda İnstitutun direktoru C. Təlai maraqla qarşılanan seminar haqqında fikir və təkliflərini bildirməklə yanaşı gənclərin elmi seminarlara cəlb olunmasının təqdirəlayiq iş oldugunu vurğuladı.